DC GRACE KINGALAME AKABIDHIWA OFISI

Posted on: January 31st, 2023

Mkuu wa Wilaya ya Nyang’hwale Mhe, Grace Kingalame leo tarehe 31/01/2023 alikabidiwa ofisi rasmi na aliyekuwa Mkuu wa Wilaya Mhe. Jamhuri David Willium ambaye alihudumu katika Wiliya ya Nyang’hwale kwa kipindi cha Mwaka Mmoja na Nusu. Mhe. Grace Kingalame aliteuliwa na Mhe Rais Samia Suluhu Hassan tarehe 25/01/2023 kuwa Mkuu wa Wilaya ya  Nyang’hwale.

Makabidhiano hayo yamefanyika katika Ukumbi wa Ofisi ya Mkuu wa Wilaya Nyang’hwale na kushuhudiwa na Wajumbe wa Kamati ya Ulinzi na Usalama, Wakuu wa Taasis, Wakuu wa Idara na Vitengo Halmashauri ya Wilaya ya Nyang’hwale na Viongozi wa Chama Cha Mapinduzi, CCM.

Akizungumza katika hafla hiyo Mhe, Grace Kingalame Bulembo amesisitiza Ushirikiano katika masuala mbalimbali yaliyopo katika Wilaya ya Nyang’hwale ili kuweza kuiletea maendeleo Wilaya ya Nyang’hwale.

“Kwa kuwa mimi ni Mgeni naomba ushirikiano ili kuhakikisha tunapata Nyang’hwale tunayoitaka, tukosoane, tueleweshane kwa pamoja, kila mtu afanye kazi kwa bidii katika nafasi yake ili aache alama” alisema Mkuu wa Wilaya ya Nyang’hwale.

Akitoa neno la Shukrani aliyekuwa Mkuu wa Wilaya ya Nyang’hwale Mhe, Jahmuri David Willium amesema anawashukuru Viongozi na Wananchi wote wa Nyang’hwale kwa Ushirikiano waliouonyesha katika kipindi cha uongozi wake na kuwataka waendelee kumpatia Mhe Mkuu wa Wilaya mpya ushirikiano huo ili kujenga Nyang’hwale yenye mafanikio.

“Tulikuwa tunakesha kwa pamoja kuhakikisha jambo letu linafanikiwa, ninachowaomba ushirikiano mlionipa uleule mumpatie Mhe Grace kila mtu kwa nafasi yake ampatie ushirikiano ili kuiletea Nyang’hwale Maendeleo” alisema Mhe Jahmuri.