SHIRIKISHO LA UMOJA WA MACHINGA (SHIUMA) NYANG’HWALE LAFANYA UCHAGUZI WA VIONGOZI

Posted on: March 2nd, 2024

Shirikisho la Umoja wa Machinga (SHIUMA) tawi la Nyang’hwale, Jana Machi 01, 2024 katika ukumbi wa Halmashauri ya Wilaya ya Nyang’hwale limefanya Uchaguzi wa kuwapata viongozi  watakaoliongoza  Shirikisho hilo.

Uchaguzi huo uliosimamiwa na viongozi wa Shirikisho la Machinga Mkoa wa Geita kwa kushirikiana Idara ya biashara kutoka Ofisi ya Mkurugenzi Mtendaji wa Halmashauri ya Wialaya ya Nyang’hwale, ulilenga kuwapata Viongozi wa nafasi sita.

Nafasi hizo ni pamoja na Mwenyekiti wa shirikisho, Makamu Mwenyekiti, Katibu, Katibu msaidizi, Mhasibu, na Mjumbe.

Matokeo ya uchaguzi huo yalikua kama ifuatavyo; Nafasi ya Mwenyekiti ilikwenda kwa Doricas Hussein, Makamu Mwenyekiti - Abdallah Butobo Maluka, Katibu - Dalali Mangson Ngatunga, Katibu Msaidizi -Paschal Samuel Kanelezu, Mhasibu - Juma Richard Hussein, na nafasi ya Mjumbe ilikwenda kwa Medard Felician Abdallah.

Mkuu wa Idara ya Biashara, Ndugu, Celestin Mwamba amesema kuwa viongozi hao waliopatikana wana majukumu  ya kufika kwenye Masoko, Vijiji na Kata zote 15 za Wilaya ya Nyang’hwale kuwaelimisha amachinga kuhusu umuhimu wa kujiunga na Shirikisho hilo.

Aidha viongozi hao wana wajibu wa kuandaa kanzi data ya Wamachinga wa Wilaya ya Nyang’hwale, kuwahamasisha kujiunga na fursa zinazojitokeza,na umuhimu wa kuwa na Namba ya Kitambulisho cha Taifa (NIDA)  kitakachomwezesha  kupata Kitambulisho Cha Mjasiriamali.