UFUNGAJI WA MASHINE YA KUONGEZA VIRUTUBISHI

Posted on: April 16th, 2025

Halmashauri ya Wilaya ya Nyang'hwale kupitia Kitengo cha lishe imeendelea na zoezi la ufungaji wa mashine za kuchanganyia virutubishi mbalimbali kwenye unga wa mahindi, lengo ikiwa ni kuwa na jamii yenye lishe na afya bora.

Zoezi hilo limeendelea hapo Jana Aprili 15, 2025 ambapo Shule ya Sekondari Shabaki imepata fursa ya kunufaika na zoezi hilo kwa kufungiwa mashine moja ya kuchanganyia virutubishi vya madini ya zinki, foliki asidi na Vitamini B12.

Afisa Lishe (W), Ndg, Furaha Nicholaus, amesema jamii inapaswa kutumia unga wenye virutubishi kwa kuwa unga huo huondoa njaa iliyojificha, kuondoa tatizo la upungufu wa damu kwa wajawazito, Watoto walio chini ya umri wa miaka mitano na kuwasaidia wajawazito katika uundwaji wa mtoto tumboni.

Aidha, Meneja wa Biashara na Maendeleo kutoka Shirika la SANKA Ndg, David Rafael ambaye ni Msambazaji na Mufungaji wa mashine hizo Kanda ya Ziwa, ametoa rai kwa jamii kutumia unga uliochanganywa na Virutubishi ili kuwa na jamii yenye Afya Bora.

Mkuu wa Shule ya Sekondari Shabaka, Ndg, Maziko Leonard, ameishukuru Ofisi ya Mkurugenzi mtendaji kwa kuwaleta Wadau wa Shirika la SANKU na kuipa kipaumbele Shule ya Sekondari Shabaka kufungiwa mashine hiyo ya virutubishi.