UZINDUZI WA WIKI YA MSAADA WA KISHERIA TAREHE (14-18/11/20222) - NYANG'HWALE

Posted on: November 14th, 2022

Mkuu wa Wilaya ya Nyang’hwale Mh. Jamhuri D. William ameongoza Uzinduzi wa Wiki ya Msaada wa Kisheria. Uzinduzi huo ulifanyika katika Viwanja wa Stendi ya Mabasi Msalala (Soko la Zamani) ukiudhuriwa na Viongozi mbalimbali na wananchi wa Wilaya ya Nyang’hwale. Katika Uzinduzi huo Maada mbalimbali zinazohusu Ukatili katika Jamii ziliwasilishwa na Wataalam. Shirika la NYALAO linalotoa Msaada wa Kisheria kwa makundi mbalimbali katika jamii ya watu wa Wilaya ya Nyang’hwale lilipata nafasi ya kutoa taarifa ya shughuli inazofanya ndani ya Wilaya. Kauli Mbiu ya mwaka huu ni "Ukatili na Udhalilishaji wa Kijinsia ni kikwazo Cha Maendeleo ya Taifa, Wananchi wote tusimame pamoja kuizuia"

Aidha Mkuu wa Wilaya alikumbusha wananchi kuwa Ukatili unatokea ndani ya Jamii yetu na wanajamii kufumbia macho bila kuchukua hatua ya kutoa taarifa kwenye vyombo husika. Sambamba na hilo alikumbushia umuhimu wa Watoto wote kwenda shule akitoa mfano wa hivi karibuni. Alisema hivi karibuni Watoto wetu wa kidato cha pili walifanya Mtihani tulibaini Watoto 191 hawako kwenye vyumba vya madarasa. Tuliamua kuchua hatua ya kuingia Mitaani tukawakuta wengine wameolewa tayari, wengine ni wajawazito wengine wanafanyakazi migodini na wengine wanafanya kazi stendi na wengine wako mashambani. Hii inatukumbusha ukatili bado uko Mitaani maana kumzuia mtoto kwenda shule ni kumfanyia ukatili. Mwisho aliagiza Viongozi wote wa ngazi Kata, Vijiji na Vitongoji kuhakikisha Watoto wanakwenda Shule.